Osasunaren alorreko ekimen berritzaileak Euskadin

¡¡DEIALDI BERRIA CROWDSASUNA 2014!!

Proiektuen deialdi publikoa: 2013ko ekainaren 3tik 30era (ebazpena uztailaren 15ean)
Hautaturiko 5 proiektuen crowdfunding kanpaina: 2013ko urriaren 1etik abenduaren 20ra.

Erabiltzen duzu bizikleta ohiko garraiobide gisa eta jarri nahi dituzu auzoan horiek uzteko leku seguruak? Probatu nahi duzu zeure herrian laguntza-eredu integratua gizarte-zerbitzu, osasun-laguntza eta borondatezko lana egiten duten erakundeekin? Baduzu osasun-arloko produktu edo zerbitzurik, pertsona talde baten bizi-kalitatea hobetu dezakeenik, eta prototipatu nahi duzu edo/eta kontzeptu-proba egin? Baduzu jendearen jarduera fisikoa bere eguneroko bizitzan dinamizatzeko ideia bat? Sustatu nahi duzu auzoko haurrek oinez joatea ikastetxera eta bide hori markatzeko seinaleak jarri nahi dituzu? Dirua bildu nahi duzu gaixotasun jakin baten ikerketa bultzatzeko? Dokumental bat produzitu nahi duzu euskal gizarteari eragiten dion osasun-gai bati buruz?...

Hori guztia eta askoz gehiago da bilatzen duguna eta gauzatzen lagundu nahi duguna CROWDSASUNAren bidez. Beraz, proiektu berritzaile bat baldin baduzu osasunari eta bizitza osasungarriari buruzkoa edozein arlotan, eta finantzatu behar baduzu, hona hemen zure aukera!

OINARRI GUZTIAK PDF FORMATUAN
 

Zergatik CROWDSASUNA

Osasunaren Mundu Erakundearen (OME) arabera, Osasuna ongizate fisiko, mental eta sozial osoaren egoera da, eta ez bakarrik gaitzik edo gaixotasunik ez izatea. Egoera hori, neurri batean, giza biologiak mugatzen du eta osasun-laguntzako sistemak, baina baita ere, eta neurri handiagoan, ingurumen, bizi-estilo eta osasun-portaera bezalako faktoreek. Eta arazo horietan jendearen eta beste eragile ez-sanitario batzuen inplikazio aktiboak funtsezko eginkizuna betetzen du.

Horregatik, Innobasqueren Gizarte Efiosasungarriaren Dinamikatik, pertsonen ahalmena indartu nahi dugu osasunean, eta jendea mobilizatuz, laguntza-sareak sortu eta jendearen arteko lankidetza sustatu, bizi-ohitura osasungarriak lortzeko.

Honela, osasunaren eta bizitza osasungarriaren arloan ekimen berritzaileak proposatu, sustatu eta finantzatzeko era berriak sorrarazteko helburuarekin, CROWDSASUNA jarri dugu abian: crowdfunding deialdi bat da, Euskadin osasunaren eremuan arazoak konpontzera edo premiak asetzera bideraturik dauden proiektuetarako, baldin eta era aske eta irekian egiteko bokazioa baldin badute. Betiere prozesuan laguntza emanez, aholkularitza espezializatuaren bidez, eta agente inplikatu eta kolaboratzaile izan daitezkeenekiko komunikazioan eta konexioan lagunduz.

Nori zuzendua dago CROWDSASUNA

CROWDSASUNAn bai pertsonek (gaixoek, zaintzaileek, senitartekoek, osasun-langileek) bai erakundeek, enpresek, elkarteek eta klubek, ikastetxeek, inbertitzaileekﾉ parte har dezakete. Banako gisa, kolektibo edo hainbat eragile taldeka bilduta.

Proiektu motak

Ekimen hauek lotuta egon behar dute ongizate fisiko, mental eta sozialerako portaera eta ohitura osasungarriekin, autozaintzarekin eta norberaren autonomiarekin, prebentzioarekin, osasun-arretarekin, zahartze aktiboarekin, kronikotasunarekin, gorputz, zentzumen edo adimen arloko ezintasunekin. Produktu-ideia bat izan daiteke, edo zerbitzu bat, teknologia berri bat, zabalkunde eta kontzientziaziorako elementu bat... Garrantzitsua zera da, oro har gizartearen edo biztanleriaren zati jakin baten bizi-kalitatea eta osasun-maila hobetzen laguntzea.

Ureztaketa Kapitala

Ureztaketa Kapitala gizarte-inbertsioko poltsa bat da, herri-erakundeen, enpresa eta beste erakunde pribatu batzuen ekarpenez osatua, herritarren banako ekarpenak osatzen dituena, horrela eragin biderkatzailea lortuz eta erantzunkidetasunean egindako inbertsio-erak sustatuz.

CROWDSASUNAk 12.000€ko Ureztatze Kapital poltsa(*) du, herritarrek Goteo bidez proiektu bakoitzerako egiten dituzten banako ekarpenak osatzeko, eta horrela efektu biderkatzailea lortuko du eremu publikoaren, pribatuaren eta gizarte zibilaren artean erantzukizun partekatuko gizarte-inbertsioaren bideak sustatuz. .

Ureztatze Kapitalaren 12.000€-ak hautaturiko 5 proiektuen artean banatzeko baldintzak, baita muga, kontratu eta ordainketari buruzko beste gai batzuk ere, ondoren zehaztuko dira:

• CROWDSASUNA Ureztatze Kapitala herritarrek kanpaina-aldian egindako ekarpenekiko aldi berean eta baliokidetasunez esleituko zaie proiektuei, 12.000€-ak gastatu arte. Beraz, Ureztatze Kapitalaren ekarpena proiektu bakoitzerako aldatu egin daiteke kasu bakoitzean herritarren aldetik izandako babesaren erritmo eta kopuruaren arabera.

• Hala ere, proiektu batek CROWDSASUNA Ureztaketa Kapitaletik guztira jaso dezakeen dirutza bere kanpainan inoiz ez da izango 2.700€ baino gehiagokoa kanpainako 40 egunen lehenengo etapan.

• Gainera, CROWDSASUNA Ureztatze Kapitalak ez ditu 50€ baino gehiago jarriko proiektu bakoitzera egiten den ekarpen bakoitzeko. Honek esan nahi du herritarrek jarritako € bakoitzeko CROWDSASUNAk beste € bat jarriko duela, baina sekula gainditu gabe 50€-ko muga banako ekarpen bakoitzeko.

• Halaber, CROWDSASUNA Ureztatze Kapitalaren ekarpen bikoizlea behin bakarrik egingo da pertsona edo erakundeko (hau da, Goteo-ko erabiltzaile-profil bakoitzetik). Nahiz eta profil beretik nahi beste ekarpen egin dakizkiokeen proiektuari, erabiltzaile eta/edo erakunde horrek egindako lehenengo ekarpenean bakarrik batuko zaio CROWDSASUNA Ureztatze Kapitala.

• Goteo-n egindako gainerako crowdfunding kanpainak bezalaxe, proiektu bakoitzari Ureztatze Kapitaletik egindako ekarpenaren batuketa azkenean benetan gauzatzeko, proiektuak bere gutxieneko finantzaketa lortu beharko du kanpainaren lehenengo 40 egunetan.

• Lehenengo 40 egunak igaro ondoren, proiektu batek edo gehiagok ez badute lortzen beren finantzaketa-helburu gutxienekora iristea, proiektu horiek bildutako ekarpenak ez dira gauzatuko eta ekarpen horiei elkarturiko ureztatze-kapitala ureztatze-poltsara itzuliko da, berriro ere erabiltzeko bigarren txandara igarotzen diren proiektuen helbururik onenaren mesederako, eta herritarren ekarpenak lortzen jarraitzeko proiektu bakoitzeko 4000€-ko mugarekin guztira.

• Beren finantzaketa-helburua lortzen duten proiektuek Fuentes Abiertas (Goteo-ren sustatzailea den) Fundazioarekin kontratua izenpetuko dute, herritarren aldetik crowdfunding bidez bildutako kopuruari dagokion diru-sartzea egiteko. Eta aldi berean, beste kontratu bat egingo dute Innobasquerekin, CROWDSASUNA Ureztatze Kapitalaren bidez bildutako kopuruari buruzkoa.

• Guztira lorturikoa, Goteo-ren komisioari eta herritarren crowdfunding-etik eratorritako banku-gastuei dagokien %8 kendu ondoren, kanpainaren hasieran proiektu bakoitzak La Caixan irekitako kontuan ordainduko da.

• Gutxieneko finantzaketa lortu ez duelako edo Ureztaketa Kapitala banatzeko ezarritako baldintzengatik, banatzen ez den CROWDSASUNA Ureztaketa Kapital guztia hurrengo deialdi baten parte bihurtuko da, edota horrelakorik ezean, Innobasquek zenbateko hori kudeatzeko eskubidea berekin izango du.

(*) Crowdsasuna Ureztatze Kapitalaren poltsa Innobasque-ren ekarpenetik eta “La Caixa”ko Gizarte Ekintzaren laguntzatik dator.

Baloratzeko irizpideak

5 proiektu aukeratuko dira jarraian azaltzen diren irizpideak kontuan hartuta:

• Proposamenaren bideragarritasun orokorra eta crowdfunding-ak finantzabide gisa eskaintzen dituen aukeretara proiektuak egokitzea, kontuan izanda honako gaiak:
  • ‘Hasierako ideia’ baino fase aurreratuago edo zehatzagoan aurkitzea, eta ekimena benetan garatzeko aurrekontua eta plana izatea.
  • Dagozkien komunitateak eta interes-taldeak ongi identifikatuta izatea.
  • Interes-talde horientzat banako sariak eta itzulkin edo erretornu kolektibo erakargarriak proposatzea.
  • Eraginkortasunez eta era erakargarrian jendarteratzeko gai diren eragileek bultzaturik egotea edo horiek inplikaturik egotea, bereziki 2.0 bitartekoen bidez.

• Euskadin garaturiko proiektuak izatea.

• Proposamenaren kalitatea eta orijinaltasun eta berrikuntzaren maila gaur egun dagoen ezagupen, produktu, zerbitzu eta abarren eskaintzari buruz, eta komunitatearentzat desiragarriak diren balioen sustapenari dagokionez, inguruan ondorio positiboak, eraldatzaileak sor ditzaten.

• Itzulkin edo erretornu kolektiboak sortzea, emaitzen erabilera eta errepikagarritasuna ahalbidetuko dutenak guztiok erabiltzeko baliabideak eskura jarriz, baita ere kodea irekitzea edo/eta lizentzia askeak erabiltzea (alderdi honetaz argibide gehiago Oinarri hauen 7.2.- puntuan).

• Eragileen artean kudeaketa parte-hartzaile eta gardenaren, lankidetzazko jardunbideen edo/eta kooperazioaren sustapena.

• Hautaturiko proiektu multzoaren aniztasunari erantzutearekin loturiko beste irizpide batzuk, eragileen tipologia, formatu eta jardunerako inguruneei dagokienez.

Deialdiaren jardunbidea eta datak

• 2013.eko ekainaren 3tik 30era bitartean, osasunaren eta bizimodu osasungarriaren inguruko proiektuak aurkezteko deialdi publikoa irekiko da. Izen-ematea on-line egongo den inprimakia betez egingo da. Eragile bakoitzak gehienez bi proiektu aurkez ditzake. 5 ekimen aukeratuko dira eta ebazpena uztailaren 15ean jakinaraziko da.

• 2013.eko irailaren 1etik 31ra bitartean, 5 proiektuen sustatzaileek aholkularitza berezitua eta pertsonalizatua jasoko dute.

• Aukeratutako 5 proiektuen CROWDSASUNA crowdfunding kanpaina 2013.eko urriaren 1etik 20ra bitartean egingo da eta tarte honetan, finantziazioa egiteko bi txanda egongo dira 40egun+40egun: lehenengoa, “dena edo ezer ez”, proiektuaren gutxieneko aurrekontuari lotutakoa; eta bigarrena, aurrekontu hobezinari lotutakoa. Proiektu bakoitzak aurkezpenerako espazioa, berrientzako eta eguneraketetarako bloga, 2.0 komunikaziorako tresnak, ordainketarako pasabidea, etab. izango ditu eskura. Gainera, proiektuek komunikaziorako eta inplikatutako eragileekin eta laguntzaileekin harremanak egiteko.

• 2014. urtean zehar, GoteoEuskadi-k eta Innobasque-k arrakasta izan duten proiektuen jarraipena egingo dute, erabakitako epeen arabera, helburuak eta konpromisoak betetzen direla ziurtatzeko.

Zehaztapen eta baldintza orokorrak

CROWDSASUNAri buruzko informazio zehatza PDFan dauden OINARRIAK jaitsita ikus dezakezu: garapen-faseak, proiektu motak, crowfunding-ari eta GoteoEuskadi-ri buruzko zehaztasunak, konpromisoak, ordainketak eta komisioak eta bestelako argibide eta kontu praktikoak ere.

Además, para preparar mejor tu proyecto de crowdfunding te recomendamos consultar los siguientes materiales:

• Ulertu Goteo eta 17 minutuko bideoaz-(gazteleraz).
• GoteoEuskadin proiektu bat garatzeko dekalogoa.
• Baldintza orokorrak eta GoteoEuskadiri buruz Maiz Egiten diren Galderak.
• Komunikazio-planaz eta zabalkunde-estrategiaz.
• Proiektuetatik eskaintzeko itzulkin- eta sari-motaz.
• Zeri deritzogu aske eta irekia eta sozialarekiko desberdintasuna-(gazteleraz).
• Itzulera kolektiboen adibide batzuk-(gazteleraz).
• Proiektu arrakastatsuen adibideak.

Eta oinarriak zein proposatutako materiala begiratuta ere, zalantzak izanez gero edo CROWDSASUNAri buruzko edozein informazio gehigarri behar izanez gero, jar zaitez gurekin harremanetan:

• Innobasque - Efisalud: crowdsasuna@innobasque.com
• GoteoEuskadi: aupa@euskadi.goteo.org