GuÑun komunitatea da, sarea, topalekua, trukerako aukera. GuÑun hurbil baina paraleloan zihoazten bi errealitate desberdinetatik sortzen da, batzuetan gurutzatuz, baina elkar ikusi gabe, besteetan elkar entzunez, baina elkar kasu egin gabe.
GuÑunek arin-arinarekin batera “Sabar”-arentzat lekua izatea lortu nahi du, bazkalosteetan patxarana nahiz Touba kafea edatea, etxean Mikel Laboa nahiz Youssou N´Dour entzutea eta pixkanaka beste errealitate askori elkarrekin ibiltzen, elkar ikusten eta elkarri kasu egiten laguntzea.
Mai, euskalduna eta Luma proiektuaren sortzailea eta Max, senegaldarra, artista eta jostuna, lagun eta senideen arteko euskaldun-senegaldar komunitate bateko kide gara. 2020an jaio zen Luma eta gaur arte, Maliko (Mendebaldeko Afrika) oihal tradizionalekin modako lerroa lantzen dugu, antzinako Bogolan pintura-teknikaren artisauekin elkarlanean eta bidezko merkataritza, jasangarritasuna eta aniztasuna oinarri hartuta.
Orain arte, Lumaren sorkuntzek gure komunitatea erakusteko balio izan digute, gure komunikazio-kanalen bidez edukiak eta eztabaidak sortuz eta beste pertsona batzuk gure familia anitzaren zati bat ezagutzera gonbidatuz. Orain, Lumaren ildo sozialaren aldeko apustua egiteko beharra sentitu dugu, elkarrekin lan eginez eta komunitate hori GuÑun proiektuaren bidez zabalduz. GuÑun komunikazio gida batekin hasiko da, eta produktu, eduki eta topaketen plataforma digital batekin jarraituko du ondoren.
GuÑun euskaraz eta wolofez esanahi berdina duten "gu" eta "ñun" hitzen arteko lotura da.
Pertsona bati ulertzen duen hizkuntza batean hitz egiten badiozu, hitzak bere burura joango dira. Bere hizkuntza propioan hitz egiten badiozu, hitzak bere bihotzera joango dira Nelson Mandela.
Jarrai dezagun elkar harremantzen, elkar maitatzen, elkarrekin sortzen eta hazten, ezagutzen ez duguna ezin dugu estimatu eta estimatzen ez duguna, deskuidatu egiten dugu!
Batu zaitez, babestu eta zabaldu!
.
Sartu Telegram-eko gure kanalean kanpainari buruzko informazio guztia jasotzeko!
GuÑungara
SomosGuÑun
ÑunayGuÑunlañu
Gogoratu zure ekarpenaren ehuneko handi bat desgrabatu ahal izango duzula hurrengo errenta aitorpenean! Ehunekoak aldatu egiten dira, baina, oro har, Euskadin %30ekoa da, Nafarroan %25ekoa da eta gainerako autonomia erkidegoetan %80ekoa.
Oinarrizko ezaugarriak eta helburuak
GuÑun gizarte, hezkuntza eta kultura proiektua da eta gure komunitatean behatu ditugun harreman-beharrei erantzutea du abiapuntu.
Zertarako?
Komunitate anitza eraikitzea konplexua da. Horregatik, uste dugu bide horri ekiteko modu bakarra ezagutzen dugunetik, behar dugunetik, sentitzen dugunetik, nahi dugunetik eta egin dezakegunetik izan behar dela, gure balioak partekatzen dituzten pertsona guztien laguntzarekin eta parte-hartzearekin.
Balioetsi nahi dugu: Hizkuntza-aniztasunarekiko errespetua oinarri garrantzitsuenetako bat dela; gure ama-hizkuntzek gainerako hizkuntzen artean espazio propioa behar dutela eta gure bi hizkuntza nagusiak oinarritzat hartuta, komunitate bereko pertsonen artean harreman-gune seguru eta inklusiboak sor ditzakegula.
Nola egingo dugu?
Lehenik eta behin, komunitate senegaldarra eta euskalduna gaur egun lurralde berean bizi garela abiapuntutzat hartuta, wolof eta euskara hizkuntzen arteko komunikazio-gida bat sortuko dugu, gure kulturak ezagutzeko eta haietatik ikasteko aukera emango digun tresna beharrezko eta erabilgarria, harremanetarako guneak sortzeaz gain.
Euskal eta senegaldar komunitate linguistikoen eskura jarriko dugu materiala, hizkuntza horiekin harremanetan hasi eta eguneroko egoera ohikoenetan haien artean komunikatu ahal izan daitezen. Liburua bi hizkuntzetako gramatika, hiztegi eta elkarrizketez osatuta egongo da eta gai desberdinetan sailkatuta egongo dira hauek, ilustrazioez lagunduta.
Proiektuak aurrera egiten badu, Luma proiektuaren ildo soziala garatzen jarraituko dugu, tailerrak, topaketak, edukiak eta harreman-espazio inklusibo eta elkarikaskuntzakoak diseinatuz eta sortuz. Hori guztia plataforma digital batean jasoko dugu, orain arte egindako Lumaren sorkuntzak eta edukiak, bai eta GuÑun gida eta kanpaina honen bigarren fasea garatzeko aukera emango diguten ekitaldiak eta jarduerak ikusgarri eginez.
Zerk bereizten gaitu?
-
Proiektu sozial hau ez da ideia batetik sortu, jada komunitate txiki bat sortzea lortu dugulako baizik, arrazarteko euskaldun-senegaldar bikote gisa, gure bi munduak horizontalki lotzeko muga sozial eta kulturalak zeharkatuz.
-
Tokiko proiektu lurreratua da, konprometitutako pertsona, eragile, elkarte eta enpresen laguntza duena.
-
Proiektua zuzentzen zaion komunitate euskaldun-senegaldarra abiapuntua baino ez da. Proiektu irekia da eta nahi adina errealitatetara zabaltzeko motibazioa eta aukerak ditu.
Lagundu nahi diguzu?
1. Diru-ekarpena eginez lagundu diezagukezu. Zoaz “ordain sariak” atalera eta hautatu gehien gustatzen zaizun aukera!
2. Ekarpen ez-ekonomiko bat eginez lagundu diezagukezu**: zoaz "kolaboratzaileak" atalera eta begiratu ea zein lankidetza egin dezakegun!
3.Lagundu diezagukezu gure kanpaina zure komunitatearekin partekatuz eta ahalik eta jende gehienarengana iristen lagunduz.
Jarrai gaitzazu sareetan eta aurkitu zabaldu ahal izateko informazio guztia!
Zerk bultzatzen zaitu eta zeini zuzenduta dago proiektua
Hurbil baina paraleloan zihoazen bi errealitate desberdinetatik sortzen da GuÑun, batzuetan elkar gurutzatuz baina elkar ikusi gabe, besteetan elkar entzunez, baina elkar kasu egin gabe.
Mai eta Max-en bi errealitateetatik sortu da GuÑun, arraza arteko bikotea, zeinaren historia abiapuntua baita, eta orain arte egindako bideak, elkar ibiltzen, ikusten eta kasu egiten den komunitate anitza posible dela baieztatzen baitu.
2016an, Mai-k Senegalera lehen bidaia egiten zuen bitartean, Max-ek Dakarreko bere joste-tailerrean lan egiten zuen. Gurutzatu egin ginen, baina ez genuen elkar ikusi.
2017an, Mai-k, senegaldar adiskideak zituenak, Senegalera egingo zuen hurrengo bidaian pentsatzen zuen bitartean, Max-ek, Euskal Herrian familia zuenak, Europara lehen bidaia egitea zuen buruan. Gure komunitateak hurbil zebiltzan, baina paraleloan.
2018an, Mai-k Iruñean irakasle gisa lan egiten zuen bitartean, bidaia batean maitemindu zen Bogolan oihalak gogoratzen zituen, eta Max Eibarren lurreratzen zen, saltzaile ibiltari gisa lan eginez, bere buruari joskintzako lanari nola ekin galdetzen zion bitartean. Lehen aldiz gurutzatu ginen, elkar ikusi genuen eta elkarri kasu egin genion.
2020an jaio zen Luma eta beste modu batera izan ezin zuenez, historia honek gure bikotearen bidea izateari utzi zion, gure komunitatearenean bilakatzeko. Komunitate honetan, besteak beste, arin-arin eta “Sabar”-a dantzatzen dira, Patxarana eta Touba kafea edaten dira eta Mikel Laboa eta Youssou N´Dour entzuten dira. Maialenek “jërëjëf” esaten du, eta Thiernok eskerrik asko, Max-ek ama esaten du eta Mai-ek “yaye” Khoudiak bihar arte esaten du eta Sarak "ba souba".
Gure komunitate euskaldun-senegaldar txikia osatzen dugun pertsonen artean harremanetarako espazioak sortzen hasi izanaren motibazioa izan da proiektu honen motorra. Ez da integrazio-proiektu bat, truke-proiektu bat da, elkar aberasten gaituena. Lurralde bera partekatzeaz gain, elkarrekin bizi eta harremanetarako espazioak eta moduak sortu behar ditugu, bai gaur egunerako, bai biharko.
Aldez aurreko esperientzia eta taldea
Lantaldea
Mai Gaztelumendi: Luma proiektuaren sortzailea da eta 2020tik, moda-lerroa lantzen du Maliko Bogolan oihalekin, baita komunikazioa eta kulturaniztasunari eta arraza artekotasunari buruzko edukiak sortu ere. Diseinatzailea, artisaua, Hezkuntza Berezian espezializatutako Lehen Hezkuntzako irakaslea, Gestalt psikoterapia humanistan eta kooperatibismoan trebatua.
Max Mbaye: Dakar Ngewël gui Couture tailerreko jostun espezializatua eta jabea (2012-2015). Gaur egun, Luma moda etikoa proiektuaren sustatzaile eta kolaboratzaile da 2020tik. Ngewel artista perkusionista Afrika baxe yaye taldean.
Sandra Garayoa: Ilustratzaile eta diseinatzaile grafikoa. Orain arte, hainbat arlotan lan egin du, hala nola haur eta gazte literaturan. Une honetan, BANGek argitaratuko duen komiki proiektu batean murgilduta dago. BERRIA egunkariko Mantangorri aldizkariko hileroko kolaboratzailea da.
Thierno Diedhiou: Dantzari eta koreografoa Senegalgo eta Europako hainbat konpainiatan. Dantza afro-tradizionalean, afro-dancean, dancehallean eta afro-garaikidean espezializatutako dantza irakaslea Bilbo, Gasteiz eta Donostian. Euskalduna.
Harago aholkularitza: Lan talde eta antolakundeen garapen prozesuak bidelagundu eta errazten dituzte, harremanen eremuan arreta jarriz eta espazio integratzaileak sortuz. Talde lanerako eta lidergo gaitasunetan formazioa eta trebakuntza, zein pertsonen eta bizi aldaketarako bidelaguntza, coachinga.
Teila Fabrika: Coworking sozialerako gunea, elkar konektatzeko eta taldean lan egiteko espazioa. Egia auzoko (Donostia) industria- eta gizarte-memoriarekin lotutako proiektua da eta komunitatea, tokikotasuna eta eraldaketa balioak ditu.
Bagera elkartea: Donostiako Euskaltzaleen Elkartea. 1991tik, Bageraren helburu nagusia euskarari bizia ematea eta Donostian euskaraz bizi ahal izatea izan da da. Donostian euskararen erabilera areagotzeko hainbat proiektu, jarduera eta programa antolatzeaz gain, komunitate bizia eraiki nahi dute, esparru berriak jorratuz.
Lana ez litzateke posible izango hauek gabe: Sara Casero migratzaileen abokatua, Uxue Bereziartua ilustratzaile eta diseinatzailea (Berexiart), Feelin´Wood koadernoak, Raquel Arianys argazkilaria eta SUSA editoriala.
Canal 
